ياعطر تبخر من الشال

الله يـا عطـرٍ تبخـر مـن الـشـال - - - - مـدري تصبـه صـب وإلا تشيـلـه
خلـت حياتـي بيـن دمعـه وولـوال - - - - وتنهيـدة بالصـدر يـا هـي ثقيلـه
صديـت عنهـا لكـن القلـب ميـال - - - - يقطعـك يـا قلـب العنـا والفشيلـه
يا قلب لا تركض ورى طيف واخيـال - - - - اصبر ومـن يصبـر ينـال الفضيلـه
شربت من كاس الهوى ربـع فنجـال - - - - وشلون منهو شـرب حتـى الحثيلـه
راع الهوى يشرى العنـى دوم بريـال - - - - ما عاش مـن يشـري حيـاةٍ ذليلـه
تبنا إلـى المولـى ونرجيـه الاقبـال - - - - يا الله عسـى باقـي حياتـي جميلـه
والحمـد لله طايـع بكـل الأحــوال - - - - لكـن نشـقـى بالحـيـاة الهزيـلـه
يا من تعـرض للمواقـف والأهـوال - - - - خلـك علـى دينـك وحـاذر بديـلـه
وإن كنـت تسمـع للشياطيـن تغتـال - - - - من تحـت الارجـل فانتبـه يالدليلـه
هذي علومي قلتهـا واعـرف الحـال - - - - دنيـا الزخـارف ظللتـنـا ظليـلـه
لكن اببعد عـن شفـا جـرف مهيـال - - - - واصلـي افروضـي واعـد الطويلـه
بعض العرب ما له من العقـل مثقـال - - - - عقلـه غـدا مـا عـاد يلقـى قليلـه
راحـت حياتـه بيـن فـنٍ وجــوال - - - - ومكالمـات الليـل يـاهـي طويـلـه
واللـي يكلمهـا مـن الحـب تكتـال - - - - كلمـه ورى كلمـه وهـذا حصيـلـه
ومن الذنوب العبد مـا عـاد يشتـال - - - - نسى وراه المـوت وايضـا المهيلـه
وان كان تسمع قولتـي دوك الامثـال - - - - دنياك شمس تغيـب بأسـرع وسيلـه
احذر ادروب الغـي يـا طيـب الفـال - - - - خلـك علـى خطـك وحـاذر مميلـه
وان شفت بعض الناس له بشت وعقال - - - - لا تمدحـه حتـى تجـرب حصيـلـه
الناس ما ترحـم إليـا صـرت عيـال - - - - واليـا وطـاك الوقـت خلـوك عيلـه

مشكووووور على الشعر الجميل وتحياتي alien

مشكور شعر جميل